*

laugardagur, 28. nóvember 2020
Innlent 30. október 2015 07:40

Árni þarf að greiða allt að 86,7 milljónir

Heildarkostnaður Árna Harðarsonar vegna þátttöku í hópmálsókn á hendur Björgólfi Thor er verulegur.

Ritstjórn
Birgir Ísl. Gunnarsson

Kostnaður Urriðahæðar, félags í eigu Árna Harðarsonar, vegna þátttöku í hópmálsókn á hendur Björgólfi Thor Björgólfssyni verður alls á bilinu 81-86 milljónir króna.

Í samtali við Kjarnann í vikunni sagði Árni að Urriðahæð, sem á nú 61,2% hlut í málsóknarfélaginu hefði greitt lífeyrissjóðum samtals um 25-30 milljónir króna fyrir hlutabréf þeirra í Landsbankanum.

Í reglum málsóknarfélagsins segir að félagar, sem eiga fleiri en 500.000 hluti í Landsbankanum greiði 15% af nafnverði hlutafjárins til félagsins. Samkvæmt upplýsingum sem fyrir liggja á Urriðahæð alls 377,7 milljónir hluta í Landsbankanum og þarf því að greiða samtals 56,7 milljónir króna í félagsgjöld.

Alls gerir kostnaður Urriðahæðar því 81,7 til 86,7 milljónir króna.