*

föstudagur, 20. september 2019
Frjáls verslun 20. ágúst 2019 12:28

Ársæll tekjuhæstur lögfræðinga

Ársæll Hafsteinsson, framkvæmdastjóri LBI, var með tæplega fjórtán milljónir á mánuði í laun á síðasta ári.

Ritstjórn
Haraldur Guðjónsson

Ársæll Hafsteinsson framkvæmdastjóri LBI var sá lögfræðingur er greiddi mest í útsvar á síðasta ári. Miðað við opinber gjöld hans var hann með rúmlega 13,9 milljónir króna í laun á mánuði á síðasta ári.

Þetta er meðal þess sem fram kemur í tekjublaði Frjálsrar verslunar sem kom út í dag. Í blaðinu má finna upplýsingar um tekjur tæplega ríflega 3.700 Íslendinga. Að þessu sinnir eru tveir nýir flokkar í blaðinu. Annars vegar yfir tekjur áhrifavalda á samfélagsmiðlum og hins vegar fasteignasala.

Arnaldur Jón Gunnarsson, Þröstur Ríkharðsson og Ragnar Björgvinsson raða sér í næstu þrjú sæti en tekjur þeirra námu rúmlega 9 milljónum á mánuði. Óttar Pálsson, lögmaður hjá Logos, var í fimmta sætinu með 4,7 milljónir króna. 

  1. Ársæll Hafsteinsson, hdl. frkvstj. LBI   13,9 milljónir 
  2. Arnaldur Jón Gunnarsson, hdl. Kaupþingi   9,3 milljónir 
  3. Þröstur Ríkharðsson, hrl. Meritas    9,2 milljónir 
  4. Ragnar Björgvinsson, hdl. Glitni    9,2 milljónir 
  5. Óttar Pálsson, hrl. Logos    4,7 milljónir

Útreikningar Frjálsrar verslunar byggja á útsvarsskyldum tekjur á árinu 2018 og þurfa þær ekki að endurspegla föst laun viðkomandi. Munurinn getur falist í launum fyrir setu í nefndum og önnur aukastörf og hlunnindi vegna kaupréttarsamninga. Í launum sumra kann að vera falinn bónus vegna starfa á fyrri ára. Miðað er við útsvarsstofn samkvæmt álagningarskrá. Í tölunum eru ekki fjármagnstekjur, t.d. af vöxtum, arði eða sölu hlutabréfa. Sleppt er skattfrjálsum dagpeningum, bílastyrkjum og greiðslum í lífeyrissjóði.

Tekjublað Frjálsrar verslunar kom út í morgun. Finna má blaðið á helstu sölustöðum en einnig má panta eintak hér

Stikkorð: Tekjublað 2019