*

fimmtudagur, 24. september 2020
Innlent 11. desember 2019 09:26

Ásgeir vill bíða og sjá áhrif stýrivaxta

Seðlabankastjóri birtir stutt myndband þar sem hann fer yfir ákvörðun stýrivaxtanefndar um að halda vöxtum óbreyttum.

Ritstjórn
Ásgeir Jónsson tók við af Má Guðmundssyni sem seðlabankastjóri nú í haust.
Gígja Einarsdóttir

Ásgeir Jónsson, seðlabankastjóri, segir ástæðuna fyrir því að vöxtum hafi verið haldið óbreyttum sé að fátt hafi breyst frá síðasta vaxtaákvörðunarferli, þar sem þeir voru lækkaðir.

„Það virðist allt vera að ganga eftir þeim spám sem við höfum lagt upp með,“ segir Ásgeir í myndbandi sem birtist á vef Seðlabankans í kjölfar stýrivaxtaákvörðunarinnar sem Viðskiptablaðið sagði frá fyrr í morgun.

„Á þessu ári hefur Seðlabankinn lækkað vexti um 150 punkta, eða 1,5 prósentur, og við viljum sjá hvaða áhrif sú vaxtalækkun hefur á næsta ári. Við viljum ekki taka þá áhættu að örva hagkerfið of mikið að svo stöddu, heldur líka viljum við bíða og sjá hvað gerist.“