*

mánudagur, 17. júní 2019
Innlent 20. mars 2017 16:04

ASÍ og BSRB fá lóðir í Reykjavík

Reykjavíkurborg hefur gengið frá úthlutun lóða til Bjargs íbúðafélags, stofnendur þess eru ASÍ og BSRB.

Ritstjórn
Tölvuteikning. Yrki Arkitektar.
Haraldur Guðjónsson

Reykjavíkurborg hefur gengið frá úthlutun lóða til Bjargs íbúðafélags, stofnendur þess eru ASÍ og BSRB. Félaginu er áætlað að tryggja tekjulágum fjölskyldum á vinnumarkaði aðgengi að ódýru, öruggu og vönduðu íbúðarhúsnæði að því er kemur fram í fréttatilkynningu frá Reykjavíkurborg. Undirritunin fór fram að Móavegi í Grafarvogi en þar er gert ráð fyrir 120 íbúðum.

Úthlutun byggingarréttar er á þremur stöðum í borginni:

  • Í Spönginni í Grafarvogi við Móaveg 2 – 4, en í nýju skipulagi Spangarinnar er gert ráð fyrir 120 íbúðum í sjö sjálfstæðum eins til fjögurra  hæða byggingum sem raðast kringum miðlægan garð.
  • Í Úlfarsárdal við Urðarbrunn 33 – 35 og 130 – 134.  Samkvæmt skipulagi er gert ráð fyrir 53 íbúðum í tveimur sjálfstæðum byggingum.
  • Á Kirkjusandi við Hallgerðargötu er gert ráð fyrir 63 íbúðum á lóðum G og  H.

„Íbúðir Bjargs verða svokölluð leiguheimili og byggja á nýjum húsnæðislögum um almennar íbúðir og verða leigðar út til fólks með lágar- og meðaltekjur. Að sögn Björns Traustasonar framkvæmdastjóra Bjargs verður lögð áhersla á hagkvæmni í byggingu, rekstri, endingu og góða nýtingu á rýmum, án þess að það verði á kostnað gæða,“ segir í tilkynningunni.

Stikkorð: ASÍ Reykjavíkurborg lóðir BSRB undirritun Leiguheimili
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is