*

föstudagur, 6. desember 2019
Innlent 5. september 2019 17:32

Áslaug Arna nýr dómsmálaráðherra

Áslaug Arna Sigurbjörnsdóttir tekur við sem dómsmálaráðherra á ríkisráðsfundi á morgun.

Ritstjórn
Áslaug Arna Sigurbjörnsdóttir, nýr dómsmálaráðherra.
Haraldur Guðjónsson

Áslaug Arna Sigurbjörnsdóttir, varformaður þingflokks Sjálfstæðisflokksins, tekur við sem dómsmálaráðherra á ríkisráðsfundi á morgun. 

Í viðtali við Reykjavík síðdegis á Bylgjunni sagði Áslaug að henni hefði verið greint frá þessu fyrir klukkustund. Áslaug er stödd í Finnlandi en þarf að breyta ferðatilhögun sinni til að ná á ríkisráðsfund á Bessastöðum klukkan fjögur á morgun. Áslaug sagði Landsrétt og útlendingamálin meðal þeirra mála sem biðu hennar í ráðuneytinu. 

Áslaug er lögfræðingur frá Háskóla Íslands. Hún starfaði meðal annars sem blaðamaður á Morgunblaðinu og lögreglumaður áður en hún var kjörin á þing árið 2016. 

Áslaug er fædd 30. nóvember 1990 og verður því 29 ára á árinu. Hún verður næst yngsti ráðherra Íslandssögunnar.