*

þriðjudagur, 18. janúar 2022
Erlent 14. janúar 2022 08:20

Asos stefnir á aðalmarkað

Hlutabréf Asos ruku upp eftir að breska netverslunin tilkynnti um fyrirhugaða skráningu á aðalmarkað kauphallarinnar í London.

Ritstjórn
Asos keypti vörumerki Topshop í fyrra, en nú stefnir netverslunin á aðalmarkað í London kauphöllinni.
epa

Breska netverslunin Asos stefnir á skráningu á aðalmarkað kauphallarinnar í London, en fyrirtækið hefur verið skráð á hliðarmarkaði hennar, Alternative Investment Market (AIM), frá árinu 2001. Þetta kemur fram í grein hjá Financial Times.

Asos hefur verið eitt af stærstu fyrirtækjunum á AIM markaðnum, en fyrirtækið stefnir á að færa sig yfir á aðalmarkað fyrir lok febrúarmánaðar til að laða að fleiri fjárfesta. 

Sjá einnig: Hagnaður Asos eykst um 275%

Fyrr á árinu var tilkynnt um að Asos myndi kaupa vörumerkin Topshop, Topman og Miss Selfridge úr þrotabúi Arcadia veldis Philip Green fyrir 330 milljónir punda en verslanir fatamerkjanna voru ekki innifaldar í kaupunum. Sala á Topshop vörumerkjunum hefur aukist um 200% á milli ára.

Gengi hlutabréfa Asos hefur hækkað um 18% í vikunni, þar af 12% í gær.

Stikkorð: Asos