Nú þegar er 18 ára aldurstakmark í gildi hjá þeim seljendum rafrettna sem eiga aðild að Félagi atvinnurekanda. Þetta kemur fram á vef Félags atvinnurekenda .

„Að gefnu tilefni hefur Félag atvinnurekenda kannað hjá félagsmönnum sínum, sem flytja inn og selja rafrettur og skyldar vörur, hvort þeir selji eða afhendi börnum undir 18 ára slíkar vörur. Samkvæmt lögum um rafrettur og áfyllingar fyrir þær, sem taka gildi 1. mars næstkomandi, má hvorki selja né afhenda börnum þessar vörur og skulu kaupendur þeirra sýna fram á aldur sinn með skilríkjum," segir á vef félagsins.

Fram kemur að þessi regla hafi undantekningalaust verið í gildi hjá þeim aðildarfyrirtækjum Félags atvinnurekanda sem selja rafrettur.

Seljendur rafrettna sem eiga aðild að FA eru eftirfarandi:

  • Djákninn Vape Shop
  • Fairvape / Silfurský
  • Grand Vape Shop
  • Gryfjan Vapeshop
  • Icevape
  • Polo Vape Shop / rafrettur.is
  • Royal Vape Shop
  • ZOZ Vape Shop