Færeyska flugfélagið Atlantic Airways, sem skráð er á íslenska hlutabréfamarkaðinn, heldur hagnaðarspá sinni fyrir árið 2008 sem birtist í síðustu árskýrslu. Þetta kemur fram í fréttatilkynningu.
Heilt yfir telur Atlantic Airways að aðstæður í íslensku efnahagslífi hafi lítil áhrif á rekstur þess.
Ekki er talið að veiking krónu hafi veruleg áhrif á reksturinn því tekjur flugfélagsins eru fyrst og fremst í dönskum krónum, evrum og dollurum.
Gangur efnahagslífsins í Evrópu og Norðurlöndunum mun hafa áhrif á horfur fyrir árið 2009.
Fréttaveitan Dow Jones greinir frá.