Atorka Group hefur gert öllum hluthöfum Jarðborna yfirtökutilboð í kjölfar þess að fyritækið eignaðist 56,25% hlut í Jarðborunum, sem samsvarar 57,86% af virku hlutafé. Þetta kemur fram í tilkynningu frá Atorku.
Tilboðsverð er 25 krónur fyrir hverja krónu nafnverðs í Jarðborunum. Greitt verður fyrir hlutina með hlutum í Atorku Group á genginu sex krónur, segir í tilkynningunni. Tilboðsverð og greiðsluskilmálar eru þeir sömu og í kaupum Atorku Group á eignarhlut í jarðborunum þann 16.nóvember síðastliðinn.
