Átta einstaklingar hafa sótt um tvö embætti héraðsdómara. Þetta kemur fram á vef stjórnarráðsins en þar segir að skipað verði í dómaraembætti við Héraðsdóm Reykjavíkur frá og með 1. september næstkomandi.
Þá verður einnig sett í embætti héraðsdómara við sama dómstól á meðan leyfi héraðsdómara stendur.
Umsækjendur um embættin eru eftirtaldir:
- Finnur Vilhjálmsson saksóknari,
- Guðrún Sesselja Arnardóttir lögmaður,
- Hákon Þorsteinsson lögfræðingur,
- Logi Kjartansson lögfræðingur,
- Oddur Þorri Viðarsson lögfræðingur,
- Sólveig Ingadóttir aðstoðarmaður héraðsdómara,
- Stefanía G. Sæmundsdóttir saksóknari,
- Sigurður Jónsson lögmaður.
Umsóknir verða afhentar dómnefnd um hæfni umsækjenda um embætti dómara til meðferðar hið fyrsta.