Átta manns sóttu um tvö embætti dómara við Landsrétt. Dómsmálaráðuneytið auglýsti starfið 20. desember, en umsóknarfrestur rann út 6. janúar. Sett verður í embættin hið fyrsta eftir að dómnefnd um hæfni umsækjenda um dómaraembætti hefur lokið störfum. Greint er frá málinu á vef stjórnarráðsins.
Umsækjendur um embættið eru:
- Ása Ólafsdóttir, prófessor
- Ástráður Haraldsson, héraðsdómari
- Björn L. Bergsson, skrifstofustjóri Landsréttar
- Bogi Hjálmtýsson, héraðsdómari
- Hildur Briem, héraðsdómari
- Ingibjörg Þorsteinsdóttir, héraðsdómari
- Ragnheiður Snorradóttir, héraðsdómari
- Sandra Baldvinsdóttir, héraðsdómari