Áttunda verkfall hjá flugmönnum Lufthansa hefst að óbreyttu í dag og mun standa í 35 tíma. Mun þurfa að aflýsa 1.450 flugum og hefur þetta áhrif á um 200.000 farþega.

Flugmenn eru að mótmæla áformum félagsins um að breyta fyrirkomulagi eftirlauna hjá þeim. Í síðustu viku stóð stéttarfélag flugmanna hjá Lufthansa fyrir verkfalli hjá dótturfélaginu Germanwings, sem stóð í 12 tíma.

Lufthansa vill að nýir flugmenn fái ekki að fara á eftirlaun þegar þeir komast á 55 ára aldur, en að þeir flugmenn sem hafi þennan rétt nú fái að halda honum. Þetta getur stéttarfélagið ekki sætt sig við. Gert er ráðfyrir að verkfallið nú hafi aðallega áhrif á flug innan Evrópu.