*

mánudagur, 2. ágúst 2021
Innlent 24. febrúar 2016 19:32

Atvinnulausum lögfræðingum fjölgar

Atvinnulausir lögfræðingar voru 60% fleiri í janúar heldur en að meðaltali árið 2011.

Ólafur Heiðar Helgason
Haraldur Guðjónsson

Atvinnulausir lögfræðingar voru 60% fleiri í janúar heldur en þeir voru að meðaltali árið 2011 samkvæmt tölum Vinnumálastofnunar. Fjöldi atvinnulausra með aðra tegund háskólagráðu hefur hins vegar minnkað um 40% á sama tímabili.

Þegar litið er framhjá árstíðarsveiflum virðist sem atvinnuleysi meðal lögfræðinga fari ekki minnkandi, á meðan atvinnuleysi fer stöðugt minnkandi meðal fólks með aðra háskólagráðu. Atvinnulausir lögfræðingar voru 101 í febrúar 2015 og hafa aldrei verið fleiri. Þeim fækkaði síðan aftur en hefur fjölgað síðustu mánuði, einkum í janúar.

Reimar Pétursson, formaður Lögmannafélags Íslands, bendir á að fyrir þremur árum síðan hafi birst greining í Lögmannablaðinu þar sem því var spáð að fleiri lögfræðingar myndu eiga erfitt með að fá störf við hæfi. Svo virðist sem sú spá sé að raungerast.

Nánar er fjallað um málið í Viðskiptablaðinu sem kemur út á morgun, en með Viðskiptablaðinu fylgja Eftir vinnu og blað um fasteignamarkaðinn. Meðal annars efnis í Viðskiptablaðinu er:

  • Hermann Hreiðarsson byggir hótel á Orrustustöðum.
  • Metanólbílar verða prófaðir hér á landi á næstu mánuðum.
  • Netöryggi fyrirtækja er ábótavant.
  • Ítarleg úttekt á ástandi atvinnulífsins á Suðurnesjum.
  • Sprotafyrirtækið Skyhook auðveldar flugmönnum og flugvirkjum að skrá reynslu sína.
  • Mikill uppgangur er í þróun sýndarveruleikatækni á Íslandi.
  • Svipmynd af Gunnari Gunnarssyni, forstöðumanni áhættustýringar CreditInfo.
  • Ítarlegt viðtal við Guðmund Jóhann Jóhansson, forstjóra Varðar.
  • Huginn og Muninn eru á sínum stað auk Týs sem fjallar um skoðanir vinstri manna á skattheimtu.
  • Óðinn fjallar um fáránlegar fullyrðingar Spegilsins.