Atvinnuleysi hefur minnkað aðeins í Grikklandi að undanförnu og mældist það 27,3% í apríl samanborið við 27,5% í sama mánuði í fyrra. Grísk yfirvöld gera ráð fyrir 20 milljónum ferðamanna þar í landi í ár en talið er að fjölgun ferðamanna muni draga úr atvinnuleysi og auka landsframleiðslu.
Atvinnuleysið er mjög hátt meðal ungs fólks, það mælist 56,3% sem er mun hærra en meðaltalið. Það hefur hins vegar lækkað frá því í fyrra þegar það mældist 58,9%.
Atvinnuleysi hjá konum er einnig hærra en meðaltalið og mælist 30,7%.