Abraham Schot hefur verið ráðinn forstjóri Audi tímabundið, en eins og Viðskiptablaðið greindi frá í gær þá var Rupert Stadler, forstjóri fyrirtækisins handtekinn í gær vegna svindls í útblástursmælingum dísel bíla Audi.

Að sögn fyrirtækisins hefur Stadler óskað eftir því að vera leystur undan stöðu sinni innan stjórnar Audi og móðurfyrirtækisins, Volkswagen.

Audi hefur ákveðið að víkja Stadler tímabundið til hliðar þar til að ástæður handtöku hans liggja betur fyrir.