Aukið bil milli ítalskra og þýskra ríkisskuldabréfa

Bilið á milli tíu ára ítalskra ríkisskuldabréfa og þýskra hefur hækkað gríðarlega á síðastliðnum tveimur vikum. Í morgun var bilið þar á milli um 320 bp en var 185 bp fyrir mánaðarmótin júní-júlí, segir í greingarefni IFS.

Líkur eru á því að Ítalía þurfi á björgunarpakka að halda frá Evrópusambandinu en hagkerfi Ítala er um 7 sinnum stærra en það gríska og líklegt að sá biti verði of stór.