Frigus II, fjárfestingafélag í eigu bræðranna Ágústs og Lýðs Guðmundssona, kennda við Bakkavör, og Sigurðar Valtýssonar bættist við á lista yfir tuttugu stærstu hluthafa Origo með 4% hlut í febrúar.
Markaðsvirði hlutarins nemur ríflega 420 milljónum króna.
Lífeyrissjóður verslunarmanna, Birta lífeyrissjóður og Hvalur hf. eru stærstu hluthafar Origo með um 11% hlut hvert um sig. Origo velti 14,8 milljörðum króna árið 2019 og hagnaðist um 456 milljónir króna.
