Nýjar umsóknir um atvinnuleysisbætur námu 365 þúsund í vikunni sem lauk 3. maí og hafði þeim fækkað um 18 þúsund frá því í vikunni á undan, að því er kemur fram í nýjum tölum frá Vinnumálastofnun Bandaríkjanna.
Fækkunin var meiri en meðalspá greinenda gerði ráð fyrir.
Nýjar hagtölur sýndu einnig að heildsölubirgðir fyrirtækja hefðu dregist saman um 0,1% í marsmánuði. Sérfræðingar segja að það gefi til kynna að hagvöxtur á fyrsta ársfjórðungi - sem mældist 0,6% á ársgrundvelli - hafi verið minni heldur en fyrstu tölur gáfu til kynna.
