*

sunnudagur, 20. júní 2021
Erlent 13. nóvember 2015 11:39

Bandaríkin taka 60 þúsund milljarða lán

Ríkisstjórn Bandaríkjanna heldur áfram að skuldsetja sig í kjölfar hækkunar skuldaþaks ríkissjóðs.

Ritstjórn

Bandaríska ríkisstjórnin hefur skuldsett sig um 60 þúsund milljarða íslenskra króna á þeim ellefu dögum sem liðið hafa frá hækkun skuldaþaks ríkissjóðs.

Upphæðin, sem er 462 milljarðar bandaríkjadala, er einhver þrjátíuföld landsframleiðsla Íslands á einu ári, en hún nemur einhverjum 17 milljörðum bandaríkjadala eða 2210 milljörðum íslenskra króna.

Skuldsetningin er sú mesta í sögu Bandaríkjanna, og færir Barack Obama Bandaríkjaforseta skrefinu nær því að skuldsetja þjóðina um 20 billjónir bandaríkjadala, sem gæti tekist áður en hann lýkur embættisstörfum sínum í janúar 2017.