Peningstefnunefnd Seðlabanka Íslands mun í fyrramálið kynna vaxtaákvörðun sína. Meginvextir bankans hafa lækkað um 3,75 prósentustig frá upphafi árs 2019. Vextirnir lækkuðu töluvert í kjölfar heimsfaraldursins. Í janúar í fyrra voru þeir 3% en eru nú 0,75% og hafa haldist óbreyttir síðan í nóvember. Yfirlýst markmið Seðlabankans var að auðvelda bæði heimilum og fyrirtækjum að takast á við afleiðingar faraldursins með lægri fjármagnskostnaði og greiðara aðgengi að fjármagni.

Í síðustu viku gáfu stóru bankarnir þrí r allir út spá fyrir vaxtaákvörðunina á morgun.

Arion banki:

Þrátt fyrir mikið atvinnuleysi í sögulega samhengi er einkaneyslan í kjörstöðu til að snúa vörn í sókn. Útlit er fyrir áframhaldandi raunlaunahækkunum, óbreyttum stýrivöxtum fram á næsta ár," segir í hagspá Arion banka, sem birt var í síðustu viku. Gerir bankinn ráð fyrir að stýrivextir verði óbreyttir fram á annan ársfjórðung 2022.

Íslandsbanki:

Stýrivextir Seðlabankans verða líklega óbreyttir enn um sinn. Efnahagshorfur eru enn svipaðar og í ársbyrjun og mun hjaðnandi verðbólga vega á móti batnandi efnahag þegar frá líður. Ólíklegt er að vextir verði hækkaðir á yfirstandandi ári en horfur eru á hóflegri hækkun vaxta næstu tvö ár," segir í hagspá Íslandsbanka, sem birtist í síðustu viku.

Landsbankinn:

Við spáum því að peningastefnunefnd Seðlabanka Íslands haldi meginvöxtum bankans óbreyttum í 0,75%," segir í spá Landsbankans, sem birtist á dögunum. „Við teljum að þróunin frá síðasta fundi nefndarinnar [þann 3.  febrúar] og nýjar hagtölur gefi tilefni til að ætla að vaxtalækkunarferlinu sé lokið. Gangi áætlanir um bólusetningar gegn Covid -19-veirunni eftir í grófum dráttum teljum við líklegt að næstu vaxtabreytingar verði til hækkunar."