*

miðvikudagur, 11. desember 2019
Innlent 14. nóvember 2019 20:24

220 milljóna kaup bankastjóra Arion

Benedikt Gíslason og Ásgeir Reykfjörð, bankastjórar Arion banka, keyptu hluti í bankanum fyrir um 220 milljónir króna í dag.

Ritstjórn
Benedikt Gíslason, bankastjóri Arion banka.
Aðsend mynd

Benedikt Gíslason, bankastjóri Arion banka, og Ásgeir Reykfjörð aðstoðarbankastjóri og félög þeim tengd keyptu í dag hlutabréf í Arion banka fyrir um 230 milljónir króna. Þetta kemur fram í tilkynningu til Kauphallarinnar.

Í tilkynninguni segir að Benedikt hafi keypt 400 þúsund hluti persónulega og félagið Brekkuás ehf., keypti 1,6 milljónir hluta. Brekkuás er skráð í eigu eiginkonu Benedikts, Ragn­heiðar Ástu Guðna­dótt­ur, samkvæmt vef Creditinfo. Kaupin voru gerð á genginu 76,75 sem þýðir að ríflega 153 milljónir króna voru greiddar fyrir hlutina. Þá keypti Ásgeir 895 þúsund hluti í bankanum fyrir um 70 milljónir króna í gegnum félagið BVII ehf. BVII er í eigu Reykfjörð ehf. sem er svo i eigu Ásgeirs samkvæmt vef Creditinfo.

Gengi bréfa í Arion banka stóð í 78,3 krónum á hlut í lok viðskipta í dag í 525 milljóna króna viðskiptum og hafði hækkað um 2,49%.