BankNordic eykur eigið fé

BankNordic hefur hækkað eiginfjárgrunn sinn með útgáfu víkjandi skuldabréfa að fjárhæð 600 milljónir danskar krónur, jafnvirði um 13,2 milljarða króna. Tilkynnt var um aukninguna til Kauphallar í morgun. Í lok fyrsta ársfjórðungs 2011 var eiginfjárhlutfall bankans 17%, en eftir yfirtöku á hluta af Amagerbanken er talið að hlutfallið hafi farið niður fyrir 15%.

IFS Greining fjallar um málið í morgunpósti sínum í dag og segir að útgáfan sé partur af stefnu bankans til að halda sterkum eiginfjárgrunni. Jafnframt hefur arðgreiðslustefnu verið breytt úr 30-50% af hagnaði niður í 10%. Arðgreiðslur geta stighækkað samhliða styrkingu grunneiginfjárstöðu en er í dag að hámarki 10 milljónir danskra króna.

Tilkynning BankNordic .