*

miðvikudagur, 26. júní 2019
Erlent 9. mars 2017 18:45

Barbie sigrar Lego

Leikfangaframleiðandinn Mattel seldir fyrir ríflega 5,46 milljarða dala árið 2016.

Ritstjórn
european pressphoto agency

Danski leikfangaframleiðandinn Lego hefur vaxið gríðarlega á síðustu tíu árum. Árið 2016 var svo enn eitt metárið, en sala félagsins jókst um 6% og nam alls 5,38 milljörðum dala.

Þrátt fyrir þennan mikla vöxt, hefur fyrirtækið ekki náð að taka fram úr leikfangaframleiðandanum Mattel, sem á meðal annars vörumerkið Barbie.

Samkvæmt BBC seldi Lego yfir 75 milljarða kubba, en Star Wars Millennium Falcon var vinsælasta vara, annað árið í röð.

Mattel seldi fyrir ríflega 5,46 milljarða dala og er þar með stærsti leikfangaframleiðandi heims, þegar litið er til sölu. Samt sem áður dróst salan hjá Mattel saman um 4% milli ára.

Hasbro, sem framleiðir meðal annars My Little Pony, er í þriðja sæti og seldi fyrir ríflega 5,02 milljarða dala.

Lego hefur gengið vel að auka sölu í Evrópu, en salan í Bandaríkjunum hefur nánast haldist óbreytt, þrátt fyrir meiri markaðssetningu.

Stikkorð: Barbie Lego Mattel Leikföng
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is