Gera má ráð fyrir að þýska byggingavöruverslunin Bauhaus opni verslun sína hér á landi um eða upp úr áramótum. Í samtali við Viðskiptablaðið vildi Halldór Óskar Sigurðsson, framkvæmdastjóri Bauhaus á Íslandi, ekki staðfesta nákvæma tímasetningu en sagði þó að byrjað yrði að auglýsa eftir starfsfólki í lok október. Halldór Óskar hefur undanfarnar vikur dvalið í Danmörku í þjálfun hjá keðjunni en hann var ráðinn framkvæmdastjóri haustið 2008.
Sem kunnugt er hafði Bauhaus áætlað að opna verslun sína í lok árs 2008 en frestaði opnun í ljósi efnahagsástandsins hér á landi. Rúmlega 21.000 fermetra húsnæði verslunarinnar við Vesturlandsveg hefur því staðið autt í tæp þrjú ár.
Búið var að manna flestar stöður í fyrirtækinu en í kjölfar bankahruns var öllum starfsmönnum sagt upp. Athygli vakti að um 650 sóttu um helstu stjórnunarstöður og um 1.250 manns sóttu um 150 auglýstar stöður hjá Bauhus í september 2008.
Nánar er fjallað um málið í Viðskiptablaðinu sem kemur út á morgun. Meðal annars efnis í blaði morgundagsins er:
- Niðurstaða könnunar um stuðning við Hönnu Birnu Kristjánsdóttur og Bjarna Benediktsson
- Uppgjör MP banka
- Þörf á lögum um skuldabréf
- Grunnrekstur Byrs vondur
- Fréttaskýring: Ákvarðanir peningastefnunefndar á árinu
- Könnun KPMG meðal stjórnarmanna
- Plain Vanilla nýr íslenskur tölvuleikur
- Yfirtaka Arion á hlut Kjalars í HB Granda
- Já greiddi fyrri eigendum arð
- Hækkun veiðigjalds kemur verst við minni fyrirtæki
- Veiði: Helmingi færri rjúpur
- Nóbelsverðlaunahafarnir í hagfræði
