BBC tilkynnti rétt í þessu að stofnunin hafi rekið Jeremy Clarkson umsjónarmann Top Gear þáttanna, sem eru vinsælustu þættir sem sýndir hafa verið í sjónvarpi, nokkurn tímann.
Í tilkynningu sem Tony Hall, yfirmaður BBC skrifar, segir að stofnunin geti ekki annað ekki vikið Clarkson frá störfum í kjölfar rannsóknar á máli hans. Samkvæmt henni réðist Clarksson á Oisin Tymon, einum framleiðanda Top Gear, og kýldi hann þannig að blæddi úr vörum hans.
Að auki er Clarkson sagður hafa lagt Tymon í einelti yfir langt tímabil að því er stjórnendur BBC segja. Hall sagði að Clarkson hefði farið yfir ákveðin mörk og það gætu ekki gilt ein regla fyrir einn og önnur fyrir aðra.
Ekki hefur verið teknar ákvarðanir um framtíð Top Gear þáttanna.