Ársfundur Samtaka fyrirtækja í sjávarútvegi, SFS, fer fram í Silfurbergi í Hörpu í dag á milli klukkan 13:00 og 15:15. Ársfundurinn ber heitið „Hvert liggur straumurinn“? Fundarstjóri er Ásta Dís Óladóttir, dósent við HÍ. Streymi af ársfundinum má finna hér að neðan.
Á fundinum verður meðal annars leitað svara við því hvort raunhæft sé að ætla að hægt verði að tvöfalda verðmæti útflutnings frá sjávarútvegi og fiskeldi á næstu tíu árum. Þá verða hvatningarverðlaun SFS afhent og styrkir afhentir úr Rannsóknasjóði síldarútvegsins.
Með erindi á ársfundinum verða:
- Ólafur Marteinsson, stjórnarformaður SFS
- Þórdís Kolbrún Reykfjörð Gylfadóttir, utanríkisráðherra
- Dag Sletmo, aðstoðarframkvæmdastjóri hjá DNB í Noregi
- Klemens Hjartar, meðeigandi McKinsey & Co.
- Heiðrún Lind Marteinsdóttir, framkvæmdastjóri SFS
Styrkja Úkraínu um eina milljón dala
SFS tilkynnti í dag að íslensk sjávarútvegsfyrirtæki hefðu ákveðið að styrkja stjórnvöld í Úkraínu um eina milljón dala, jafnvirði um 130 milljóna króna.
„Með þessu vilja fyrirtæki í íslenskum sjávarútvegi leggja sitt af mörkum með von um að bundinn verði endir á hörmungar úkraínsku þjóðarinnar hið fyrsta. Haft verður samráð við íslensk stjórnvöld um ráðstöfun fjárins.“
Eftirfarandi fyrirtæki taka þátt í átakinu.
- Brim, Reykjavík
- Eskja, Eskifirði
- G. Run. Grundarfirði
- Gjögur, Grenivík
- Hraðfrystihúsið Gunnvör, Hnífsdal
- Iceland Seafood
- Ísfélagið í Vestmannaeyjum
- Loðnuvinnslan á Fáskrúðsfirði
- Oddi, Patreksfirði
- Rammi, Siglufirði
- Samherji, Akureyri
- Síldarvinnslan í Neskaupstað
- Skinney-Þinganes, Höfn í Hornafirði
- Vinnslustöðin í Vestmannaeyjum
- Vísir, Grindavík
- Þorbjörn, Grindavík
- Arctic Fish, Ísafirði