Viðskiptahraðlinum Startup SuperNova, sem staðið hefur yfir síðustu tíu vikurnar, lýkur formlega með fjárfestadegi í Grósku hugmyndahúsi í dag. Sprotafyrirtækin tíu sem voru valin til þátttöku munu kynna hugmyndir sínar og í kjölfarið svara spurningum úr pallborði með Magnús Scheving athafnamann og Jenný Ruth Hrafnsdóttur, meðeiganda Crowberry Capital, sér við hlið.
Sjá einnig: Lokaspretturinn í Startup Supernova
Elsa Bjarnadóttir, verkefnastjóri hjá Icelandic Startups, opnar viðburðinn. Þórdís Kolbrún Gylfadóttir Reykfjörð, atvinnuvega- og nýsköpunarráðherra, mun ávarpa samkomuna og Erlingur Brynjúlfsson, meðstofnandi og tæknistjóri hjá Controlant, verður með erindi.
Dagskrá verður eftirfarandi:
12:30: Húsið opnað
13:00: Dagskrá hefst - kynnir og opnun frá Icelandic Startups / Elsa Bjarna
13:10: Þórdís Kolbrún Gylfadóttir Reykfjörð, atvinnuvega- og nýsköpunarráðherra
13:15: Erlingur Brynjúlfsson, meðstofnandi og CTO hjá Controlant
13:30: Kynningar frá 5 sprotafyrirtækjum Startup SuperNova viðskiptahraðalsins
14:20: 10 mínútna hlé
14:30: Kynningar frá 5 sprotafyrirtækjum Startup SuperNova viðskiptahraðalsins
15:30: Viðburði lýkur
