Í tengslum við hluta­fjár­út­boð Hamp­iðjunnar hf. verður opinn kynningar­fundur í Arion banka í dag kl. 10:00. Stjórn­endur Hamp­iðjunnar munu kynna fé­lagið og sögu þess á­samt því að farið verður yfir fyrir­komu­lag hluta­fjár­út­boðsins.

Hægt er að fylgjast með fundinum í beinni hér að neðan.

85 milljón nýir hlutir í fé­laginu verða boðnir til sölu í al­mennu út­boði, sem jafn­gildir 13,37% af heildar­hluta­fé eftir hluta­fjár­hækkun þess efnis.

Sjá einnig
Hampiðjan sækir allt að 10 milljarða

Al­menna út­boðið skiptist í tvær á­skriftar­bækur. Annars vegar á­skriftar­bók A, þar sem 17 milljón nýir hlutir verða boðnir til sölu á föstu verði 120 kr. á hlut, og hins vegar á­skriftar­bók B, þar sem 68 milljón nýir hlutir verða boðnir til sölu á lág­marks­verði 120 kr. á hlut.

Lág­marks­verðið í al­menna út­boðinu, 120 kr. á hlut, jafn­gildir 14% af­slætti á vegið meðal­verð (VWAP) hluta­bréfa Hamp­iðjunnar á First North Iceland síðasta mánuðinn.

Gert er ráð fyrir að hlutabréf Hampiðjunnar verði tekin til viðskipta á aðalmarkaði Kauphallarinnar þann 9. júní næstkomandi.