Nýsköpunarverðlaun Íslands verða veitt í dag, miðvikudaginn 18. nóvember kl. 11-11.30 í beinni útsendingu frá Hörpu.

Þórdís Kolbrún R. Gylfadóttir, ferðamála-, iðnaðar- og nýsköpunarráðherra afhendir verðlaunin sem veitt hafa verið framsæknum nýsköpunarfyrirtækjum frá árinu 1994, þá á Nýsköpunarþingi. Tilgangur verðlaunanna er að vekja athygli á þeim mikilvægu tengslum sem eru á milli rannsókna og þekkingaröflunar og aukinnar verðmætasköpunar í atvinnulífinu.

Nýsköpunarverðlaun Íslands eru veitt af Rannís, Íslandsstofu, Nýsköpunarmiðstöð Íslands og Nýsköpunarsjóði atvinnulífsins, til fyrirtækja sem þykja hafa skarað fram úr í þróun nýrrar vöru eða þjónustu, sem byggð er á rannsóknar- og nýsköpunarstarfi og náð hefur árangri á markaði.

Hér má sjá streymi frá athöfninni:

Nýsköpunarverðlaun Íslands hafa verið veitt eftirtöldum fyrirtækjum:

  • 2019 Curio
  • 2018 Kerecis
  • 2017 Skaginn hf.
  • 2016 Dohop
  • 2015 Zymetech
  • 2014 Meniga
  • 2013 Valka
  • 2012 Primex
  • 2011 Mentor
  • 2010 Nox Medical
  • 2009 Mentis Cura
  • 2008 ORF líftækni
  • 2007 Hafmynd
  • 2006 Stjörnu-Oddi
  • 2005 CCP
  • 2004 Lyfjaþróun
  • 2003 Altech JHM
  • 2002 Stofnfiskur
  • 2001 Fiskeldi Eyjafjarðar
  • 2000 Bláa Lónið
  • 1999 Flaga
  • 1998 Íslensk erfðagreining
  • 1997 Hugvit
  • 1994 Vaki fiskeldiskerfi