Þróun á heimsmarkaðsverði á olíu mun að líkindum hafa áhrif á verðbólguspá Seðlabankans og er óvænt kjarabót fyrir íslensk heimili. Þetta segja Þórarinn G. Pétursson, að alhagfræðingur Seðlabankans, og Hrafn Steinarsson, sérfræðingur hjá greiningardeild Arion banka.
Heimsmarkaðsverð Brent hrá olíu hefur lækkað um 49% frá því um miðjan júní á þessu ári. Sú þró un hefur vitanlega komið sér illa fyrir þjóðir sem flytja út mikið af olíu, eins og Norðmenn og Rússa. Til vitnisburðar um það er 6% lækkun norskrar krónu gagnvart þeirri íslensku frá byrjun desember og hrun rúblu gagnvart Bandaríkjadal. Áhrifin á land eins og Ísland eru þó öllu jákvæðari. „Þetta eykur ráðstöfunartekjur heimila í þeim löndum sem reiða sig á innflutta olíu,“ segir Þórarinn.
Breytir forsendum verðbólguspár
Í Peningamálum Seðlabanka Íslands frá 5. nóvember síðastliðnum koma fram forsendur grunnsp ár bankans frá 4. ársfjórðungi 2014 fram til sama fjórðungs 2017. Kemur þar fram að grunnspáin geri ráð fyrir 10 til 15% lækkun heimsmarkaðsverðs hráolíu á árinu 2014 og að verð haldist síðan nokkuð stöðugt allt fram á 4. ársfjórðung 2017.
Nánar er fjallað um málið í Viðskiptablaðinu. Áskrifendur geta nálgast pdf-útgáfu af blaðinu með því að smella á hlekkinn Tölublöð .
