*

sunnudagur, 18. apríl 2021
Innlent 10. ágúst 2016 17:46

Ber að afhenda gögn um kísilmálmsmiðju

Reykjanesbær verður að afhenda afhenda samninga Thorsil efh. Úrskurðarnefnd segir þá ekki innihalda viðkvæmar upplýsingar.

Ritstjórn
Aðsend mynd

Úrskurðarnefnd um upplýsingamál hefur úrskurðað að Reykjanesbæ beri skylda til að afhenda þrjá samninga Reykjaneshafnar og Reykjanesbæjar við Thorsil ehf. á grundvelli lögbundins rétt almennings á upplýsingum.

Fjárhagslegir hagsmunir ekki almennum upplýsingarétti framar

Eftir að hafa farið yfir umrædda samninga hafnaði úrskurðarnefndin þeim röksemdum Reykjanesbæjar að þær upplýsingar sem fram kæmu í samningunum vörðuðu svo mikilvæga fjárhags- eða viðskiptahagsmuni Thorsil ehf. að leynd um efni samninganna gengi framar þeim rétti.

Taldi úrskurðarnefndin samningana fjalla um umhverfismál í skilningi laga um upplýsingarrétt um umhverfismál, þar sem þeir snúast um þá ráðstöfun Reykjanesbæjar að leigja lóð undir kísilmálsmiðju í bænum.

Samkvæmt úrskurðinum þarf því Reykjanesbær að afhenda kærenda eftirtalda samninga:

  • Samningur um leyfisveitingar og gjaldtöku vegna fyrirhugaðs kísilverðs Thorsils ehf.
  • Samkomulag um skilmála fyrir lóðarleigusamning á milli Reykjaneshafnar, Reykjanesbæjar og Thorsil ehf. ásamt viðhengis 1 við samninginn
  • Lóðar- og hafnarsamningur milli Reykjaneshafnar og Thorsil ehf. ásamt viðaukum A, B, I, II og III við samninginn.