*

föstudagur, 15. nóvember 2019
Frjáls verslun 22. ágúst 2019 19:52

Bergur hæstlaunaði skipstjórinn

Launahæstu skipstjórar landsins voru með í kring um 4 milljónir í mánaðartekjur.

Ritstjórn
Hoffell SU 80, skip Loðnuvinnslunnar hf. á Fáskrúðsfirði.

Bergur Einarsson, skipstjóri á Hoffelli SU, var tekjuhæstur í flokknum sjómenn og útgerðarmenn námu tekjur hans að jafnaði rúmlega 4,1 milljón króna, samkvæmt álagningarskrám ríkisskattstjóra. 

Þetta er meðal þess sem fram kemur í tekjublaði Frjálsrar verslunar sem kom út á þriðjudag. Í blaðinu má finna upplýsingar um tekjur ríflega 3.700 Íslendinga. Að þessu sinnir eru tveir nýir flokkar í blaðinu. Annars vegar yfir tekjur áhrifavalda á samfélagsmiðlum og hins vegar fasteignasala.

Næst tekjuhæsti sjó- eða útgerðarmaðurinn var Ingi Jóhann Guðmundsson framkvæmdastjóri Gjögurs með um 3,9 milljónir í mánaðarlaun að jafnaði. 

Fimm tekjuhæstu sjó- og útgerðamaðurinn ársins 2018:

  1. Bergur Einarsson, skipstj. Hoffelli SU 4,152 milljónir króna
  2. Ingi Jóhann Guðmundsson, frkvstj. Gjögurs 3,906 milljónir króna
  3. Guðlaugur Jónsson, skipstj. Ingunni AK 3,824 milljónir króna
  4. Hörður Már Guðmundsson, skipstj. Sigurði VE  3,795 milljónir króna
  5. Gísli Runólfsson, skipstj. á Bjarna Ólafssyni 3,712 milljónir króna

Útreikningar Frjálsrar verslunar byggja á útsvarsskyldum tekjur á árinu 2018 og þurfa þær ekki að endurspegla föst laun viðkomandi. Munurinn getur falist í launum fyrir setu í nefndum og önnur aukastörf og hlunnindi vegna kaupréttarsamninga. Í launum sumra kann að vera falinn bónus vegna starfa á fyrri ára. Miðað er við útsvarsstofn samkvæmt álagningarskrá. Í tölunum eru ekki fjármagnstekjur, t.d. af vöxtum, arði eða sölu hlutabréfa. Sleppt er skattfrjálsum dagpeningum, bílastyrkjum og greiðslum í lífeyrissjóði.

Tekjublað Frjálsrar verslunar er komið út. Finna má blaðið á helstu sölustöðum en einnig má panta eintak hér