Þau eru heppin börnin sem koma í heiminn í Sviss á þessu ári. Landið vermir nefnilega toppsætið yfir þau lönd sem best er að fæðast í nú. Að þessu hefur sérfræðiteymi komist sem gengur undir nafninu The Economist Intelletigence Unit og vinnur fyrir samnefnt breskt vikurit. Bandaríkin hafa vermt toppsætið í gegnum tíðina. Landið nær nú ekki lengur inn á lista yfir tíu efstu löndin.
Ísland kemst ekki á listann. Það gera hins vegar þrjú önnur norræn ríki: Noregi, Svíþjóð og Danmörk. Af öðrum löndum á meginlandi Evrópu kemst aðeins Holland á lista yfir tíu efstu löndin.
Bandaríska tímaritið Forbes fjallar um barnalöndin vænu og fjallar lítillega um hvert þeirra í máli og myndum.
Hér má sjá hvar best er að fæðast á þessu ári.
- Sviss
- Ástralía
- Noregur
- Svíþjóð
- Danmörk
- Singapúr
- Nýja Sjáland
- Holland
- Kanada
- Hong Kong