*

mánudagur, 25. október 2021
Innlent 11. janúar 2017 19:14

Biðlistar eftir vekjaraklukkum

Mikil eftirspurn er eftir svokölluðum dagsljósavekjaraklukkum og eru þær víðast hvar uppseldar.

Ritstjórn
Haraldur Guðjónsson

Um þessar mundir ganga yfir landið helstu skammdegismánuðir ársins. Fólk keppist við að taka jólaljósin niður og til að bæta gráu ofan á svart þá eykur snjóleysið enn á myrkrið sem gerir fólki enn erfiðara fyrir að vakna á morgnanna. Svefndrukknir Íslendingar virðast hafa brugðist við „ástandinu“  með því að fjárfesta í vekjaraklukkum sem kveikja á ljósi sem líkir eftir dagsljósi þegar kominn er tími til að fara vakna. Nú er svo komið að vekjaraklukkurnar, sem hafa verið seldar víðs vegar á Íslandi, eru nánast allar uppseldar og biðlistar hafa myndast fyrir næstu sendingar.

Eirberg hefur í nokkur ár selt dagsljósavekjaraklukkur frá framleiðandanum Lumie, klukkurnar eru misjafnar í umfangi og kosta á bilinu 15.000 til 25.000 krónur og eru þær allar uppseldar um þessar mundir.  Anna Stella Snorradóttir, verslunarstjóri í Eirberg Stórhöfða, segist þó eiga von á annarri sendingu von bráðar.

„Við byrjum að finna fyrir aukinni sölu á klukkunum fyrir um tveimur árum síðan og svo hefur þetta verið að aukast,“ segir Anna. Hún segir erfitt að benda á eina einstaka ástæðu fyrir því að salan hafi aukist svo mikið en að einhverju leyti auglýsi varan sig bara sjálf.

Nánar má lesa um málið í Viðskiptablaðinu sem kemur út á morgun. Áskrifendur geta nálgast blaðið undir Tölublöð:

  • Ríkissjóður mun halda áfram að greiða niður skuldir á árinu samkvæmt ársáætlun í lánamálum ríkissjóðs.
  • Aðilar í íslenska viðskiptalífinu hafa lítið sem ekkert nýtt sér gerðardómstofnun hér á landi.
  • Fráfarandi sendiherra Bandaríkjanna á Íslandi, Robert Cushman Barber segist munu sakna Íslands.
  • Samantekt á megináherslum nýrrar ríkisstjórnar í efnahagsmálum.
  • Samþjöppun og fákeppni hefur aukist í fjármálakerfinu undanfarin ár.
  • Ítarlegt viðtal við Sigurð Viðarsson, forstjóra TM.
  • Fjallað er um öskubuskuævintýri þýska knattspyrnuliðsins RB Leipzig sem að risið hafa hátt í þýskri knattspyrnu.
  • Tveir af stofnendum sjóðsins Crowberry Capital, teknir tali.
  • Rætt er við Baldur Stefánsson sem hefur tekið við nýju starfi hjá Beringer Finance á Íslandi.
  • Huginn og Muninn eru á sínum stað auk Týs, sem fjallar um krónuna og ESB.
  • Óðinn fjallar um ráðherra nýrrar ríkisstjórnar.
Stikkorð: Viðskiptablaðið Ljós Eirberg