*

miðvikudagur, 19. júní 2019
Innlent 11. apríl 2018 14:39

Bílastæðum við Laugaveg fækkað

Borgaryfirvöld hafa ákveðið að fækka enn frekar bílastæðum við Laugaveg með því að leggja af skástæðin við Barónstíg.

Ritstjórn
Haraldur Guðjónsson

Borgarstjórn Reykjavíkur hefur ákveðið að leggja af öll skábílastæði við Laugaveg, og þar með fækka bílastæðum við götuna um allt að 11 að því er Morgunblaðið greinir frá.

Um er að ræða bílastæði sem liggja skáhallt frá götunni á milli Barónsstígs og Frakkastígs, en samkvæmt tillögu sem samþykkt var í borgarráði verður þeim breytt í samhliða bílastæði líkt og gert hefur verið fyrir tvö stæði fatlaðra við Laugaveg 77.

Þar með fækkar bílastæðunum um allt að 11 en gert er ráð fyrir að í stað þeirra 29 bílastæða sem eru í dag skáhalt út frá götunni komi frá 18 upp í 22 bílastæði sem liggja samhliða henni.

Borgarstjórnarmeirihlutinn í Reykjavík er myndaður af Samfylkingu, Pírötum, VG og Bjartri framtíð undir forystu Dags B. Eggertssonar. Eins og Viðskiptablaðið hefur fjallað um eru fleiri óánægðir en ánægðir með störf borgarstjórans og samkvæmt nýjustu skoðanakönnun er borgarstjórnarmeirihlutinn fallinn.

Ákvörðun borgarráðs var tekin í kjölfar greinargerðar Ólafs Ingibergssonar sérfræðings hjá umhverfis- og skipulagssviði Reykjavíkur, en samkvæmt henni þrengja skástæðin að umferð gangandi og hjólandi um gangstéttar meðfram Laugaveginum.

25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is