*

mánudagur, 19. apríl 2021
Innlent 8. mars 2021 09:05

Birgir kaupir Domino‘s í Svíþjóð

Birgir Bieltvedt og Eygló Björk Kjartansdóttir kaupa Domino‘s í Svíþjóð. Fyrir eiga þau Domino‘s í Noregi og vilja reksturinn á Íslandi.

Ingvar Haraldsson
Birgir Bieltvedt fjárfestir.
Haraldur Guðjónsson

Fjárfestingafélagið Eyja, sem er í eigu hjónanna Birgis Bieltvedt og Eygló Bjarkar Kjartansdóttur hefur fest kaup á Domino‘s í Svíþjóð af Domino‘s Pizza Group (DPG), sérleyfishafa Domino‘s á Bretlandi.

Fyrir ári keypti Birgir ásamt fleiri fjárfestum meirihluta í Domino‘s í Noregi af Domino‘s Pizza Group á Bretlandi og lét þá eftir hlut sinn í Domino‘s í Svíþjóð.

Þá er Birgir einnig meðal þeirra fjárfesta sem sýnt hafa rekstri Domino‘s á Íslandi áhuga en það er einnig í eigu DPG. Gangi það eftir yrði það í þriðja sinn sem hann eignast rekstur Domino's á Íslandi.

Sjá einnig: Birgir og Skeljungur á eftir Domino's

DPG hefur sett sér markmið um að selja allan Domino‘s rekstur utan Bretlands.Nú eru 14 Domino‘s veitingastaðir eru reknir í Svíþjóð, og nam taprekstur keðjunnar þar í landi fjórum milljónum punda árið 2019, um 710 milljónum króna miðað við núverandi gengi.

Í tilkynningu frá DPG segir að gert sé ráð fyrir að salan verði frágengin í byrjun maí en sem hluti af sölunni mun DPG greiða kaupandanum 1,8 milljónir punda, um 250 milljónir króna í reiðufé.