Birta lífeyrissjóður keypti í gær 30 milljónir hluta, eða sem nemur 0,8% hlut, í Nova samkvæmt flöggunartilkynningu og er nú fjórði stærsti hluthafi félagsins með 5,05% hlut að markaðsvirði 790 milljónir króna. Miðað við dagslokagengi Nova í gær má ætla að kaupverðið í gær hafi verið um 122 milljónir króna.
Birta var ekki meðal 20 stærstu hluthafa Nova eftir frumútboð fjarskiptafélagsins í júní síðastliðnum. Frá skráningu Nova í Kauphöllina hefur Birta þó hægt og bítandi stækkað hlut sinn í félaginu og er nú stærsti lífeyrissjóðurinn í hluthafahópnum.
Í lok nóvember síðastliðnum fór Birta með 3,47% hlut í Nova. Lífeyrissjóðurinn hefur því keypt ríflega 1,6% hlut í fjarskiptafélaginu í desember.
Þróun á eignarhlut Birtu í Nova
í % |
2,10% |
2,56% |
2,83% |
3,07% |
3,47% |
5,05% |
Hlutabréfaverð Nova lækkaði töluvert eftir skráningu félagsins í júní. Gengið hefur hækkað aðeins aftur síðustu daga.