*

mánudagur, 24. júní 2019
Innlent 11. mars 2017 15:51

Bjarni fagnar umræðu um stöðugleikasjóð

Bjarni Benediktsson forsætisráðherra fagnar hugmyndum Ingólfs Bender hjá Íslandsbanka um sjóð erlendis í eigu ríkisins.

Ritstjórn
Haraldur Guðjónsson

Bjarni Benediktsson segist lengi hafa talað fyrir stofnun stöðugleikasjóðs ríkisins erlendis.

„Ég hef lengi talað fyrir því að við tækjum til hliðar væntan arð af nýtingu auðlinda. Og ég hef verið að horfa sérstaklega til orkuauðlindanna í því samhengi," segir Bjarni í frétt RÚV.

„En ég fagna allri umræða um það að við Íslendingar séum meira að horfa til framtíðar og byggja undir meiri stöðugleika hér í landinu."

Í vikunni lagði Ingólfur Bender, forstöðumaður Greiningardeildar Íslandsbanka, það til að stofnaður yrði slíkur sjóður með tekjum af ferðaþjónustunni, sem hægt væri að nýta til að jafna sveiflur í hagkerfinu.

„Ég tek eftir því að menn sjá fyrir sér möguleika á að leggja slíkum sjóði til einhver stofnframlög og mér finnst að það geti alveg komið til greina," segir Bjarni.

„En ég er sem sagt búinn að skipa starfshóp sem á að skila mér tillögum um frumvarpsdrög að slíkum sjóði. Og við hyggjumst líka eiga samtal við aðra flokka á Alþingi til þess að undirbúa þetta sem best. Þessi vinna er sem sagt bara að fara af stað.“

25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is