*

fimmtudagur, 9. apríl 2020
Innlent 22. janúar 2020 09:26

Bjarni kominn með 2,5% í VÍS

Sjávarsýn, fjárfestingarfélag Bjarna Ármannssonar er orðið einn stærsti eigandi VÍS.

Ritstjórn
Bjarni Ármannsson, forstjóri Iceland Seafood og nú einn stærsti eigandi VÍS.

Bjarni Ármannsson, forstjóri Iceland Seafood og fjárfestir er orðinn einn stærsti eigandi VÍS samkvæmt frétt Markaðarins. Fjárfestingarfélag Bjarna, Sjávarsýn, keypti í síðustu viku 2,56% hlut í tryggingarfélaginu og nam kaupverðið um 550 milljónum króna.

Í frétt Markaðarins er haft eftir Bjarna að kaupin séu einungis fjárfesting og að hann hafi ekki í hyggju að sækjast eftir því að bjóða sig fram í stjórn félagsins. 

Auk þess að vera einnig orðið einn stærsti eigandi VÍS á Sjávarsýn einnig um 11% hlut í Iceland Seafood en um ár er síðan að Bjarni tók við sem forstjóri félagsins. Þá á Sjávarsýn Gasfélagið og Ísmar að fullu auk þess að eiga 80% hlut í hreinlætisvörufyrirtækinu Tandur. 

Stikkorð: VÍS Bjarni Ármannsson