Bandaríski fjárfestingabankinn Lehman Brothers greindi í gær frá kaupum á tékkneska fjarskiptafélaginu Ceske Radiokomunikace (CRa) og samkvæmt heimildum Reuters-fréttasofunnar er kaupverðið um 1,2 milljarðar evra, sem samsvarar 110 milljörðum króna. Félög tengd eða í eigu Björgólfs Thors Björgólfssonar eiga 70% hlut í tékkneska fyrirtækinu.
Heimildarmenn Viðskiptablaðsins segja að kaupverðið sé nokkuð hærra en 110 milljarðar og að hlutur Björgólfs Thors hafi verið seldur á um 120 milljarða, en upphaflegt kaupverð var 40 milljarðar króna og nemur söluhagnaðurinn því 80 milljörðum króna. Straumur-Burðarás og Landsbanki Íslands fjárfestu einnig í CRa. 39,2% hlutur í félagsins í T-Mobile Czech Republic fylgir einnig með í kaupunum, en Deutsche Telekom fer enn með ráðandi hlut í farsímafyrirtækinu.
Lehman Brothers leiðir hóp fjárfesta til að taka yfir CRa, en hópurinn inniheldur einnig fjárfestingasjóðinn Mid Europa og eignarhaldsfélagið Al Bateen, sem staðsett er í Abu Dhabi. Heimildarmenn Viðskiptablaðsins á sambankalánamarkaði í London segja að kaupin séu fjármögnuð með lánum og að lánapakkinn sé sá stærsti sem hefur verið sölutryggður til skuldsettra kaupa í Mið-Evrópu, en heildarvirði skuldanna er um 750 milljónir evra.
Eiganarhaldsfélagið Bivideon, sem skráð er í Hollandi, hélt utan um eignarhlut íslensku fjárfestanna í CRa. Fagtímaritið Telecom Finance greindi frá því í október að mögulegt væri að selja Bivideon og síðan hafa getgátur verið um kaup á eignum félagsins. Tímaritið sagði þá að mögulegt væri að skipta upp eignum félagins, og benti á að verðmætasta eignin væri hluturinn í T-Mobile. Hins vegar hefur fjárfestahópur Lehman Brothers samþykkt að kaupa allar eignir félagsins.
Heimildarmenn Viðskiptablaðsins segja að kaupverðið sé nokkuð hærra en 110 milljarðar og að hlutur Björgólfs Thors hafi verið seldur á um 120 milljarða, en upphaflegt kaupverð var 40 milljarðar króna og nemur söluhagnaðurinn því 80 milljörðum króna. Straumur-Burðarás og Landsbanki Íslands fjárfestu einnig í CRa. 39,2% hlutur í félagsins í T-Mobile Czech Republic fylgir einnig með í kaupunum, en Deutsche Telekom fer enn með ráðandi hlut í farsímafyrirtækinu.
Lehman Brothers leiðir hóp fjárfesta til að taka yfir CRa, en hópurinn inniheldur einnig fjárfestingasjóðinn Mid Europa og eignarhaldsfélagið Al Bateen, sem staðsett er í Abu Dhabi. Heimildarmenn Viðskiptablaðsins á sambankalánamarkaði í London segja að kaupin séu fjármögnuð með lánum og að lánapakkinn sé sá stærsti sem hefur verið sölutryggður til skuldsettra kaupa í Mið-Evrópu, en heildarvirði skuldanna er um 750 milljónir evra.
Eiganarhaldsfélagið Bivideon, sem skráð er í Hollandi, hélt utan um eignarhlut íslensku fjárfestanna í CRa. Fagtímaritið Telecom Finance greindi frá því í október að mögulegt væri að selja Bivideon og síðan hafa getgátur verið um kaup á eignum félagsins. Tímaritið sagði þá að mögulegt væri að skipta upp eignum félagins, og benti á að verðmætasta eignin væri hluturinn í T-Mobile. Hins vegar hefur fjárfestahópur Lehman Brothers samþykkt að kaupa allar eignir félagsins.