Björt var samkvæmt frétt á vef mbl.is valin sem formaður Bjartrar framtíðar með lófataki rétt fyrir hádegi, þar sem hún var ein í framboði. Aukaaðalfundurinn hófst klukkan ellefu í morgun og átti kosning í embætti formanns að vera milli 12 og 15 í dag en kjósa átti rafrænt. Björt tekur við af Óttari Proppé heilbrigðisráðherra, sem sagði af sér embættinu í lok október.
Þrjú framboð bárust vegna kosningar á embætti stjórnarformanns flokksins. Eru þau Nichole Leigh Mosty, Theodóra Sigurlaug Þorsteinsdóttir og Ágúst Már Garðarsson í framboði.