Blóðinu tappað af stjórnendum í viðskiptalífinu - myndir

Stjórnendur í viðskiptalífinu fylktu liði og brettu upp ermar í sameiginlegu átaki Samtaka atvinnulífsins og Blóðbanks sem hófst í gær. Átakið er liður í að fjölga blóðgjöfum en Blóðbankinn þarf að fá um 2000 nýja blóðgjafa á ári til að viðhalda blóðgjafahópnum. Blóðgjafarnir eru nú um 9000 talsins og koma þeir um 14000 sinnum á ári.

Með átakinu vilja forstjórar fyrirtækjanna sem komu saman í höfuðstöðvum Marel í gær og gáfu blóð sýna gott fordæmi og hvetja starfsfólk sitt til blóðgjafar á vinnutíma.

Haraldur Guðjónsson, ljósmyndari Viðskiptablaðsins, var á staðnum og tók myndir af viðburðinum.

Við undirritun samninganna mætti Skúli Eggert Sigurz, framkvæmdastjóri lögfræðistofunnar Lagastoða, en hann þurfti á mikilli blóðgjöf að halda eftir stunguárás á síðasta ári. Þá voru þar jafnframt Sigríður Margrét Oddsdóttir, forstjóri Já, og Sigsteinn Grétarsson, aðstoðarforstjóri Marel. Lengst til hægri á myndinni við hlið Sigurðar Eggerz standa þeir Sveinn Guðmundsson, yfirlæknir Blóðbankans, og Vilhjálmur Egilsson, framkvæmdastjóri Samtaka atvinnulífsins.

Sigsteinn hélt stutta tölu.

Sveinn Guðmundsson og Vilhjálmur skrifa undir samkomulagið.

Sigsteinn og Vilhjálmur skrifa undir pappíra um blóðgjöf.

Sigsteinn stunginn.

Það fór vel á með þeim félögunum Vilhjálmi og Sigsteini þegar þeir gáfu fyrstu blóðdropana.