Hagnaður BNP Baribas, stærsta banka Frakklands, nam tæpum 1,9 milljörðum evra á fyrsta ársfjórðungi þessa árs og dróst saman um 21% frá sama tímabili í fyrra.
Ástæðan er fyrst og fremst sögð útlánatap.
Haft er eftir Baudouin Prot, forstjóra bankans, að alvarleg krísa á fjármálamörkuðum, sérstaklega í mars, hafi skaðað markaðsviðskipti bankans.
BNP Baribas afskrifaði eignir fyrir 514 m. evra í fjárfestingabankastarfsemi sinni.
Hagnaður fjárfestingabankahlutans féll um 73% í fjórðungnum og nam 318 milljónum evra.
Þetta kom fram í Morgunkorni Glitnis í morgun.
