100 þúsund króna tap var á rekstri félagsins Bomba.is ehf. sem flytur inn og selur flugelda á árinu 2012. Það er betri rekstrarniðurstaða en árið 2011 þegar félagið tapaði 1,4 milljónum króna.

Örn Árnason, sem er þekktastur fyrir leik sinn í Spaugstofunni, er helmingshluthafi í félaginu en hinn hluthafinn er Arnar Þórarinn Barðdal. Samkvæmt ársreikningi félagsins nam sala á árinu 2012 um 7,3 milljónum króna en var tæpar 5 milljónir árið 2011. Eigið fé félagsins var neikvætt um 4,6 milljónir í lok árs 2012. Skuldir námu 12,9 milljónum en eignir voru um 8,3 milljónir.