29 starfsmenn Borgunar eru hluti af hópuppsögn sem tilkynnt var um í dag hjá fyrirtækinu. Þetta kemur fram í tilkynningu.

„Alls hafa verið ráðnir nærri 60 nýir starfsmenn til Borgunar á síðustu mánuðum í tengslum við yfirstandandi umbreytingu Borgunar yfir í þjónustumiðað tæknifyrirtæki. Á sama tíma hefur verið dregið úr umsvifum á öðrum sviðum fyrirtækisins til að snúa við rekstrartapi. Það hefur því miður kallað á fækkun starfsfólks á þeim sviðum,“ segir í tilkynningunni.

Fyrir helgi var sagt frá því að Vinnumálastofnun hefði borist tilkynning um hópuppsögn í fjármálageiranum en ekkert fjármálafyrirtæki kannaðist við þá uppsögn. Þá hafði starfsfólki ekki verið tilkynnt um uppsagnirnar.