Breski olíurisinn BP hafa fest kaup á bandarískri olíuvinnslu, sem framleiðir olíu með með svokallaðri bergbrots-tækni (e. shale), á 10 milljarða dollara. BP kaupir olíuvinnsluna af Ástralska námufyrirtækinu BHP Billiton. BBC greinir frá þessu .
BP telur að vegna hækkandi olíuverðs séu nýjar aðferðir við olíuframleiðslu spennandi kostur. Bob Dudley, framkvæmdastjóri BP, segir að þessi kaup séu umbreytandi fyrir fyrirtækið.
BP hafa undanfarin ár unnið hörðum höndum að því að endurreisa orðspor sitt í Bandaríkjunum og eru þessi kaup liður í þeirri vinnu. Orðspor BP beið hnekki eftir risastórt olíuslys varð á einum olíuborpalli félagsins og fékk félagið væna sekt vegna þess.
Þrátt fyrir þessar fréttir féll hlutabréfaverð félagsins um 1,7% í kauphöllinni í London í viðskiptum sem fram fóru í morgun.
