Eimskip hefur birt bráðabirgðahluthafalista en einungis einn fjárfestir sem tók þátt í loka útboði félagsins, sem fram fór fyrir helgi, er á meðal 10 stærstu hluthafa félagsins á þeim lista. Listinn byggir á áskriftum úr lokuðu útboði og hluthafalista Eimskips frá Verðbréfaskráningu Íslands þann 26.október 2012.
Landsbanki Íslands (Slitastjórn Landsbankans) var sem kunnugt er stærsti einstaki hluthafinn í Eimskipi með um 30% hlut en á nú 12,4%. Yucaipa átti (í gegnum tvo sjóði) um 25% hlut og á enn en eins og Viðskiptablaðið greindi frá á forsíðu sinni sl. fimmtudag hætti Yucaipa við að selja sinn hlut í félaginu.
Lífeyrissjóður verslunarmanna er nú næst stærsti hluthafinn í Eimskipi með tæpan 15% hlut.