Bréf finnska flugfélagsins Finnair hafa haldið áfram að lækka það sem af er dags og hafa lækkað um 4,42% þegar þetta er skrifað. Eins og kom fram hér á vefnum í gær þá lækkuðu þau um 3,48% í gær og enduðu í 7,47 evrum á hlut. Bréf félagsins hafa ekki verið lægri síðan á miðju ári 2005.
FL Group er annar stærsti hluthafinn í Finnair, með 12,7% eignarhlut í félaginu þrátt fyrir að hafa selt 11,7% bréfa sinna í desember síðastliðnum. Þá var greint frá því að markaðsvirði þess hlutar sem var seldur hefði lækkað um 2,8 milljarða króna á fjórða ársfjórðungi. Ljóst er að tap FL Group af þessari stöðu er orðið verulegt.
