Breki Karlsson, forstöðumaður Stofnunar um fjármálalæsi, er nýkjörinn formaður Neytendasamtakanna en tilkynnt var um niðurstöður kostninganna á þingi samtakanna klukkan 13:00 í dag. Þetta kemur fram á heimasíðu samtakanna.
Breki hlaut 53% atkvæða en alls voru fjórir í framboði til formanns. Auk Breka voru það þau Ásthildur Lóa Þórsdóttir, Guðjón Sigurbjartsson og Unnur Rán Reynisdóttir.
Auk formannskosningarinnar var kosið í nýja stjórn samtakanna en nýja stjórn skipa:
- Pálmey H. Gísladóttir
- Halla Gunnarsdóttir
- Hrannar Már Gunnarsson
- Sigurður Másson
- Snæbjörn Brynjarsson
- Þórey S. Þórisdóttir
- Sigurlína Sigurðardóttir
- Guðrún Þórarinsdóttir
- Ásdís Jóelsdóttir
- Þóra Guðmundsdóttir
- Jóhann Rúnar Sigurðsson
- Þórey Anna Matthíasdóttir