Breska ríkið tapar um 1 milljarði punda, um 208 milljörðum króna, við sölu á 5,4% hlut í Royal Bank of Scotland (RBS).
Þetta er fyrsta sala ríksins síðan ríkið lagði bankanum til 45 milljónir punda í formi hlutafjár í fjárkreppunni árin 2008 og 2009. Breska ríkið átti 79% fyrir söluna en á nú um 73% hlut.
Söluverðið nemur um 330 pensum á hlut en kaupverð ríkisins var 502 pens á hlut. Heildarsöluverðið nemur 2,1 milljarði punda eða 441 milljarði króna.
Ef ríkið myndi selja alla hluti sína á þessu verði næmi tapið 15 milljörðum punda, eða 3.120 milljörðum króna.
Íslandsvinirnir Gordon Brown og Alistair Darling voru forsætisráðherra og fjármálaráðherra þegar bankabjörgunin var ákveðin.